Grim News [.mn]

Бүх сэтгэгдэлийг сонгууль дуустал хаасан болно. Та бүхэн info@news.mn хаягаар мэдээллээ өгнө үү.

WSJ on Mongolia

Энэ хэний санаа вэ?

Нэр дэвшигч Н. Энхбаярын вэбсайтыг mongolia-web.com сайтыг ажиллуулдаг улсууд саяхан өөрсдийнхөө нэр дээр бүртгүүлсэн байдаг юм байна. Өөрөөр хэлбэл Монгол үйл ажиллагаага явуулдаг Голландууд эзэмшдэг гэсэн үг. 2005 онд таван жилийн хугацаатай худалдаж авсан энэ домайн энэ оны 8 сарын 27-нд дуусах юм байна. Харин одоогийн вэбсайтыг нь тэд нар хийж байгаа юу эсвэл Энхбаярын штаб тэднээс худалдаж авсан уу гэдэг нь тодорхойгүй байна. Юутай ч вэбсайтын шийдэл нь АНУ-ын Ерөнхийлөгч буюу Цагаан ордоны вэбсайттай тун төстэй болжээ.

Харин Элбэгдоржийнх elbegdorj.mn бөгөөд тун энгийнээр хийсэн байна. Элбэгдорж уул нь elbegdorj.com домайныг аль 2001 онд Эрх Чөлөө төвийнхөө нэр дээр 10 жилийн хугацаатай худалдаж авсан бөгөөд 2010 оны 3 сарын 1-нд дуусах юм байна. Харин энэ сонгуулиар яагаад дот ком хаягаа ашиглаагүй нь бас л тодорхойгүй.

2008 он аз хийморийн жил байсан гэж үү?

Таван ширхэг бууз идээд, нэг лонх Бар шар айраг уусны дараах зурвас бодол оршвой. Мэдээж, Олимпын аваргууд төрсөн тул ингэж нэрлэж болох л юм. Гэтэл ардчилсан хувьсгал ялсанаас хойш нэг дор 5 хүн буудуулж үхсэн тохиолдол Монгол улсын түүхэнд мөн л анх удаа тохиож, аз хийморь дагууллаа гэж үү? Алтан медаль ард түмэнд агуу баяр хөөр, итгэл найдвар авчирсан ч гэлээ үхээрийн тэр үдэш бидэнд айдас хүйдэс, үл итгэх байдлыг авчраагүй билүү? Ай Улаанбаатар хотод минь хог ачдаг машинаас өөр зоригтой, чанга дуугардаг, үнэнч шударга зүйл байхаа больж дээ.
The real battle yet begun (Tuesday, bloody Tuesday)
To claim the victory Jesus won (Tuesday, bloody Tuesday) On...
Tuesday, bloody Tuesday
Tuesday, bloody Tuesday

Гайхамшигтай барилдаан 2

За доорх бичлэг бол 62 кг-ын барилдаан шүү. Сэтгэл хөдлөөд, энэ бичлэгээ ОУХМ С.Сүхбаатарт үзүүлсэн чинь харин өөдөөс бүр сонин түүх хүүрнэдэг юм даа. Хэдэн жилийн өмнө Athletes in Action байгууллагыг Монголд төлөөлж байсан Скотт Эли энэ бичлэгийг анх 2002 онд Америкаас шүүлгэж авчраад Сүхээтэй хамт гавьяатынд очиж бэлэг болгон өгсөн гэнэ. “Тэр үедээ л үнэхээр гоё бэлэг болж байсан. Энхээ ах бүр нулимс нь гарах шахаа л үзээд байсан. Өөрөө өөрийгөө хальт магтаад л үнэн гоё цаг байсан” хэмээн Сүхээ өгүүлж байна.

Гайхамшигтай барилдаан

Монгол улсын гавьяат тамирчин, Ховд аймгийн харьяат Авирмэдийн Энхээ 1985 онд Унгарын Будапешт хотноо болсон Дэлхийн аваргын тэмцээнийн аваргын төлөөх тоглолтод Зөвлөлтийн Виктор Алексеевтай барилдсан гайхамшигтай барилдааны бичлэгийг www.sportnews.mn сайтын тусламжтайгаар амьдралдаа анх удаагаа олж үзлээ. Манайд ямар видео камер энэ тэр байсан биш тухайн үедээ, аз болж хэдэн Америкчууд хийсэн нь ийнхүү ЮуТюб-д тавигджээ. Тэдний юу ярьж байгаа нь их сонирхолтой бөгөөд үзэгчид Монголиа хэмээн хашгиралдаж байна. Энэ барилдааны тухай та урд нь сонссон байх.

Щ үсгийг щахан зайлуулья!

Монгол үсгийн цагаан толгойн 29 дахь тээглүүр бол хэзээ ч монгол үгэнд хэрэглэгдэггүй үсэг юм. Энэ үсэг сүүлдээ Microsoft үйлдийн системийн тохиргоон дээр ч гарч ирэхээ байсан бололтой. Цагаан толгой сурч байхад ганц хоёр л зөвлөлтийн баатрын нэрийг нэрлэдэг байсан дархан цаазтай, даварсан энэ муу ёрын үсгийг шахан зайлуулбал таарна. Эсвэл энэндээ тохирсон шинэ үгнүүдийг зохиох хэрэгтэй. Одоогийн хүүхдүүдэд энэ үсгийг юугаар илэрхийлдэгийг мэдэхгүй.

Энэ бол яах аргагүй манай улсын бүрэн эрхт дархан байдалд заналхийлж буйн бас нэгэн шинж гэж ойлгоод байгаа. Угаасаа л Зөвлөлтийнхөнд тал засч, тэдний бүх үсгийг нь зээлдэж аваад, дээр нь яах аргагүй болоод хоёр үсгээ нэг юм нэмж оруулсан байгаа юм

энэ үсгийг авч хаябал дараагаар нь зөөлний тэмдэг, хатуугийн тэмдэг хэмээх өөх ч биш булчирхай ч биш юмнуудаас бас салах хэрэгтэй.

Ганц удаагийн модон савх хэрэглэх бүртээ

Хятад улс нь нэг жилд 45 миллиард нэг удаагийн хос савх хэрэглэдэг нь 1,66 сая куб метр мод буюу хэдэн сая ширхэг нас гүйцсэн мод гэсэн үг.

Thomas Friedman’s “Hot, Flat and Crowded” номд ийнхүү өгүүлжээ. Бас өөр нэг эх сурвалжид дурдсанаар энэ нь 25 сая ширхэг мод гэсэн үг гэнээ.

Хятадууд өөрсдийнхөө модыг хяргахаа болиод манай улсын модыг хүртэл хярган, модон савх хууль бусаар үйлдвэрлэж байсныг саяхан хаасан тухай Ийгл ТВ мэдээлж байсан. Тэр үйлдвэрийн эзэн нь хятад байсан гэнэ лээ. Хэрэв хятадууд манай модоор будаагаа савхдаж эхлэх юм бол хэдхэн жилийн дотор бүх мод маань дуусна гээд боддоо.

Тиймээс Хятадын ч бай Монголын ч бай мод л бол мод гэдэг өргөн сэтгэлээр хандан, нэг удаагийн модон савхаар идэхээс татгалзан, хэрэв та баар ресторан ажиллуулдаг бол пластик зэрэг олон удаагийн савх хэрэглэхийг уриалж байна.

Сайхансамбуу 2

Аа бас Чухал Яриан дээр нэг зүйл гарлаа. Сэтгүүлч хөтлөгч залуу хамгийн сүүлчийн асуулт болох Сайхансамбуугийн машины хоббины талаар асуугаадхав. Санаа нь бол хэдэн машинтай вэ гэж. Гэтэл Сайхансамбуу эргүүлээд хийчих шиг болдог юм. Юу гэхээр “Танай захирал чинь ч гэсэн машины хоббитойштээ... Батсайхан” гэдэг юм. Одоо болтол NTV-ийн захирал нь Уламбадрах гэж боддог байтал энэ ТВ бол Капитал Групп буюу АПУ компанийн харьяа гэдгийг нь тодруулж өгч байгаа явдал боллоо.

Угтаа бол хөтлөгч залуу “манай Ука захирал уу” гээд л яриаг нь таслах байсан шиг байгаа юм. Гэхдээ асууж байгаад түүний зургаан машин нь нийтдээ 300 000 доллар болдог, хамгийн үнэтэй нь 200 000 ногооноор авсан, захиалгаар хийлгэсэн уртасгасан Hummer jeep гэдгийг нь хэлүүлж дөнгөв.

Урхидуулсан уу?

Сүүлийн үед хаа сайгүй нэр нь дуулдах болсон яршигтай нэгэн киноны балгаас болж олон шинэ бизнесүүд цэцэглэн хөгжих болсон байна. Тэдний заримаас нь дурдвал:

Урхидуулсан эрчүүдийг аврах “Унаган Хэл” эх оронч хөдөлгөөн

Та манай хөдөлгөөнд нэгдсэнээр орой бүр 10 цагаас цугларч, хамтдаа Эхнэрийн Урхи киноны дууг монгол хувилбараар дуулан, киноны аялгаар, киноны хэллэгээр ярьдаг болсон хэл ярианы гажгийг засахад туслана. Курс эмчилгээ нь кино дуустал үргэлжлэх тул яарахгүйгээр бэлтгэлтэй ирэх хэрэгтэй.

Урхидуулсан эмэгтэйчүүдийн хордлого тайлах төв

Та манай төвөөр үйлчлүүлсэнээр цэнхэр дэлгэцэн дээр гарч буй киноны баатруудтайгаа ярьдаг, тэдэнтэй хамт зовж, хамт бэртдэг, шөнө хар дарж зүүдлэх зэрэг хордлогнуудаас монгол киноны тусламжтайгаар эмчилгээ хийнэ.

Урхидуулсан хүмүүсийг Солонгосын газар нутгаар аялуулах
“Гүнжээ” аялалын төв

Та манай төвд хандсанаар үзэсгэлэнт Солонгос орноор аялуулж, Эхнэрийн Урхи хэмээх гайхамшигт киноны зураг авсан газар нутгуудаар аялуулах болно. Аялалын үеэр кино жүжигчдийн кино зургын үед эдэлж хэрэглэж байсан чихрийн цаас, идэж байгаад хаясан шарсан төмс, талхны үйрмэг, ариун цэврийн цаас зэргийг хайх хөгжилтэй бас дурсгалтай олон уралдаант тоглоомуудыг таныг хүлээж байна.

Урхидуулсан охидуудад косметик хагалгаа хийх “Гүнжээ” хувийн эмнэлэг

Таныг хайртай жүжигчинтэйгээ улам адил болгох үйлчилгээг бид үзүүлнэ. Харин бид таны албан ёсны нэрийг солих боломжгүй бөгөөд үүнийг бидэнд биш Иргэний Бүртгэл Мэдээллийн Төвд хандана уу. Манайх Баянзүрх дүүргийн хүнсний захын подвальд байрладаг бөгөөд хажуудаа хайртай жүжигчинтэйгээр адилхан хувцаслах боломж олгож, хувцасны дэлгүүр шинээр нээлээ.

Урхидуулсан эмэгтэйчүүдэд хэл ярианы дасгал заах
“Хадам ээж” сургалтын төв

Яаж түүнтэй адилхан ярьдаг болох вэ хэмээн санаа зоволтгүй боллоо. Таныг хайртай жүжигчидтэйгээ адилхан ярьж, хэрэлдэж, орилоход сургана. Ирээд үз. Манай хичээлийг мэргэжлийн жүжигчид буюу UBS-ын кино албаны дуу оруулагчид заана.

Урхидуулсан үзэгчдэд зориулсан “Гүнж” солонгос хоолны газар

Хайртай жүжигчид тань тамшаалан иддэг бүх төрлийн солонгос хоол манайд бий. Ялангуяа орой 22 цагаас хойш хүн ихтэй болдог тул урьдилан захиалга өгөхөө мартуузай.

Урхидуулсан төрийн түшээдэд айж ичихгүйгээр киногоо үзэх “Солонгосын өнөөгийн асуудлаар” сэдэвт олон хоногийн сургалт

Тэд ч гэсэн хүн хэмээн хүнлэг сэтгэлээр эрх тэгш хандах үүднээс дээрх сургалтыг орой бүр 22-24 цагийн хооронд нээж байна. Таныг кино үзэхгүй харин сургалтад сууж байгаа гэх итгэл үнэмшлийг төрүүлэх бүх зүйлийг бид хийсэн. Сургалт дуусахад бид гэрчилгээ олгох тул эргэлзэх хэрэггүй.

Сайхансамбуу сайхан ярьж байна

Сайхансамбуу гишүүн NTV-ийн Чухал Яриа гэдэг нэвтрүүлгээр ярилцлага өгч байхыг хальт сонслоо. Ингэж байна [сийрүүлэв].

“Нарантуул зах надад ямар ч хамаагүй болсон. Тэнд 250 гаруй хүн ажиллаж байна. Тэд өдөр тутмын ажлыг хийж байгаа.

(хэдхэн өгүүлбэрийн дараа) “би бас эндээс чинь улсад татвар төлнө шүү дээ.” “би өөрөө захаар байнга үйлчлүүлж, хэрэгцээтэй зүйлээ цуглуулдаг. Зарим нь ч намайг таньдаггүй. Зарим нь таниад Сайхансамбуу гуай явж байна л гэдэг юм”.

“Яагаад захыг битүү болгож болдоггүй юм бэ?”

“Гурван тайлбар байна. Нэгдүгээрт, монголчууд ил задгай захаар хэдэн үеэрээ үйлчлүүлсэн тул битүү захад ерөөс худалдаа хийж сурахгүй. Тэд хүссэн үедээ тамхи татаж, шүлсээ хаядаг тийм л газар хэрэгтэй. Хоёрдугаарт, галын аюул байна. Бөмбөгөр худалдааны төвийг харж байна уу. Манайхан бас биенийгээ шоглох, бас өрсөлдөх дуртай улсууд. Шатвал яана. Гуравдугаарт, би германуудаар 40 саяын битүү дээвэртэй захын төсөл гаргуулчихсан байгаа. Энэ 40 сая доллараар битүүлчихвэд эргээд би тэр мөнгийг лангуунаас олно гэж байхгүй. Дүнжингаравыг хар, тэрийгээр хүмүүс очихгүй. Нэг лангуу нь л гэхэд сарын 600 доллар байх жишээтэй. Гэтэл тийм их үнээр ямар наймаачин түрээслэхэвдээ”