Monday, September 07, 2009

Хүн чи Бурханы өмнө бууж өг!

Хэн болгоны өгөөд байдаггүй нэгэн шинжилгээг эртээд өглөө. Бүдүүн гэдэсний болон ходоодны шинжилгээ хэмээх тарчлаан залхаан айлган зүрх үхүүлэх тактиктай нэгэн “гайхамшигтай” юмыг өгч үзлээ. Зүгээр тэр ёогагаар хичээллэдэг, амьд могой залгидаг хүмүүст бол ч гайгүй л байх.

Амандаа хийсэн хуруу зузаан өөхөө хоёр зуу зажилж зажилж, горойхийн наагуур залгадаг мань шиг хүнд бол их л ахадсан эгчидсэн аавдсан ээжидсэн даваа юм билээ. Амьдаараа хоолойгоороо тороос оруулаад түүнийх нь ходоодон дотор гүрвэлзэх хөдөлгөөн бүрийг нь мэдэрч, хөдлөх бүрт нь эмзэглэнэ гэдэг бол нээрээ хүсээд байх зүйл биш юм. Тэгээд бас тааваараа хашгирч харааж болохгүй, шүдэндээ нэгэн зүйлийг тас зуураастай.

Тарчлаах ажиллагааны эхний шат дуусангуут дараагаар нь анус руугаа бас л нэг тороос чихүүлээд, хөдөө газар таваараа өвсөн дээр тарж хэвтсэн лугаа адил хөлөө ачаад хэвтэж байхдаа хүн гээч амьтан чинь дээр саран дээр очлоо, дэргэдээ диваажин байгууллаа, iPod бүтээлээ, аймаар мундаг эм хийлээ л гээд байдаг, гэтэл хамгийн үнэтэй гээд байдаг хүн эрдэнийхээ эрүүл мэндийг зүгээр ч нэг ёо гэлгүй үзчихдэг төхөөрөмжөрхүү юм бүтээж чадаагүй л байгаа юм шүү, Бурхан минь. Тэгсэн мөртөө бас саранд хуцахтайгаа шүү.

Бас бодож байна. Мод ургах, байшин барих хоёр уул шугамандаа агаар нэгэн юм. Харамсалтай нь мод нь үндэстэй бөгөөтөл дээшээ ургадаг, цаг нь болохоор мажийдаг байтал байшин нь бас л үндэстэй буюу суурьтэй бөгөөтөл нэг л барьсан бол ургах гэдгийг хэзээ ч мэдэхгүй “барам” бөгөөд цаг нь болохоор мажийдаг нь модтой төстэй боловч цаг нь үнэндээ цахилах төдий л юм дагуудаа. Саваагүй нохой саранд хуцаж, баастай хүмүүн Бурхантай арцалданаа гэж.

5 Сэтгэгдэл:

Anonymous September 8, 2009 at 1:32 PM  

Unshaad oilgosongui. Hun burhanii yund ni biij ug gedgee batalchih. bas burhan gej haana baidag terniigee zaagaad ugchih. Ochood buuj ugeduu tegvel.

Саандарь.Г September 11, 2009 at 2:48 AM  

hi , tanii blog unheer unshuushtai bas sonirholtoi um , hehe . shinjilgee ogsniig tani unshaad tataj untlaa ineelee . hodoodond horhoi urjeed hanand ni heden 10.aaraa naaldchihaar hodood gedes ovdood , hool haaguuraa orood bgaa ni medegdehgui bolchihoor l ogdog ed dee,

Саандарь.Г September 11, 2009 at 2:51 AM  

gehdee er ni bol bodmoor l ed um , toroosnii tuhaid ,

snbr September 17, 2009 at 1:29 AM  

Baika huuhed turuulvel blogtoo yu gej bichih bol gej bodogdloo. Ha ha ha. Surtei huuhed shuu hehe. Bi ter hodoodoo bol duranduulj bsn. Harin dood suviig bol ugui. I don't look forward to it :)

Б.Базаррагчаа January 4, 2010 at 3:24 AM  

sonirholtoi l uym...manaihaar zochlood garaarai...www.ewhamt.wordpress.com

Сэтгэгдэл бичих

Зэсийн Ханш

  © Blogger template 'Amarjargal' by Mongoltolbo.com 2009

Back to Дээш