Monday, November 17, 2008

Жон Максвелл монгол хэлнээ

Удирдахуйн ухааны шилдэг бичигч John C. Maxwell-ийн “Удирдагчийн 21 Чухал Чанар” хэмээх номыг аль 2006 онд Библийн Сургалтын Төвийнхөн орчуулан гаргасныг саяхан олж уншлаа. Орчуулагч нь О. Пүрэвдорж хэмээх миний эртний танил байна. Тэрбээр дууны зохиолч, хэд хэдэн альбум гаргасан дуучин, теологч гээд ер нь элдэвтэй нөхөр байгаа юм. Гэтэл одоо англиас энэ номыг тун догь орчуулсан байна.

Максвеллын номнууд ер нь бэстсэллэр болж байдаг удирдлагаар сурч байгаа болон удирдагч болох гэж байгаа, болцон байгаа хэний ч болов унших ёстой ширээний номнуудын нэг байдаг. Түүний бас өөр нэгэн “Удирдагчийн 21 Няцаашгүй Хууль” буюу The 21 Irrefutable Laws of Leadership номыг Олон Улсын Дээд Сургуулийн оюутнууд орчуулсан сураг байсан. Бас чамбай орчуулгатай болсон гэнэ лээ. Гэх мэтээр Максвеллын номын хур удахгүй буух бололтой. Пүүжээ одоо түүний бас нэгэн номыг нь орчуулан хэвлэлтэд өгөхөд бэлэн болж буйгаа дуулгасан. Энэ ном нь ердөө 3-4хөн мянган төгрөг юм билээ. Авсан хүн хэзээ ч харамсахгүй л болов уу.

Зэсийн Ханш

  © Blogger template 'Amarjargal' by Mongoltolbo.com 2009

Back to Дээш