Tuesday, November 11, 2008

Сэтгvvлчид тeгeлдeршилийн тeлee

Саяхан болж өнгөрсөн Монголын Сэтгүүлчдийн Нэгдсэн Эвлэлийн 3-р их хурлаас уул шугамандаа нийт сэтгүүлчдэд хандан уриалга гаргах байлаа. Харамсалтай нь ерөнхийлөгч, дэд ерөнхийлөгч, зөвлөлийн гишүүдээ сонгох хэмээн заваарсаар байтал юун уриалга манатай болсон юм. Гэтэл өнөөдрийн Өнөөдөр сонин дээр их хурлын төлөөлөгчид хэмээн уриалга хэвлэгдэн гарчээ.


Ажиглагчийн Цэрэнжав гуайн ажигласнаар УЗ-ын 15 гишүүний лав л 9 нь МАХН-ын гишүүн, ерөнхийлөгч Сарангэрэл болон дэд Т. Баасансүрэн гуай бүгд МАХНамын бүтээгдэхүүнүүд болох тухай дурдсан байсан. Тэр дотор нь УИХ-ын гишүүн Х.Бадамсүрэн гэгч нөхөр ч орсон байгаа. Ямар учиртайг нь Сарангэрэлээс дахин асууна биз.


Энэ бүхэн яахав гээд бас уриалга гаргасан нь яамай даа гэтэл бас л МАХН-ынхаа мөрийн хөтөлбөр маягтай юм хийчихжээ. Үүнд “Монголын үсрэнгүй хөгжлийн нэгэн тулах багана нь ардчиллын үнэт зүйл болсон иргэний, чөлөөт, ёс зүйтэй сэтгүүл зүйн төгөлдөршил юм” гэсэн өгүүлбэрээр эхэлжээ. Төгөлдөршил гэдэг үгийг би ойлгохгүй тун их зовж байгаа нэгэн. Англиар бол innovation хэмээн тайлбарлаад байгаа. Харин энэ үгийг нь буцаагаад орчуулах гэхээр санаачлага, алив зүйлийг шинээр хийх гэж буух гээд байгаа юм. Энэ нь бараа таваар, бодлого, байгууллага зэрэг юун дээр ч хэрэгжиж болох талтай. Энэ нь монголчуудад тийм ч шинэ зүйл уг нь биш. Дээхнэ бол ШБОС гэж ярьдаг байсан. Дараах нь ноу-хау хэмээн хэлдэг болсон. Үүнтэй бол агаар нэг л юм шиг санагдаад байгаа юм.


Нөгөө талаас нь төгөлдөршилт гэдэг нь perfection буюу алив юмыг төгс төгөлдөр болгох гэсэн утгатай болоод ирнэ. За үүнийг гүн ухаан, шашин, ёс зүй энэ тэрээр тайлбарлах ахул ихээхэн маргаантай томьёолол болох хийгээд хэрэв ингэж ухах аваас ёс зүйтэй сэтгүүл зүйн төгөлдөршил гэдэг утга нь маш адармаатай болж ирнэ. Хэрэв төгс буюу гүйцэх, дуусах гэдэг утгаар нь оруулж байгаа бол ёс зүйтэй сэтгүүл зүйг “цааш нь харуулах”-ын төлөө уриалж ч байгаа юм шиг. Нэг л явсангүй ээ. Ингэж мэргэжлийн байгууллагыг нэгэн намын пионер байгууллага болгох нь үнэн гутамшигтай хэрэг бөгөөд ялангуяа эрүүл цэвэр байх сэтгүүлчдийн байгууллага нь ийм балиар байхад хонгилын үзүүрт харанхуй л байна шүү.

1 comments:

serdaram November 18, 2008 at 1:31 AM  

hehehe.... Medee yzej baigaa bi chinii ene yariad baigaa TOGOLDOR-shild chin orchihood chamd message bichij bayar hyrgej bilee. Ene MGL ulsyig chin yaaltai ch bilee. Hymyys ni ail ger bolj toglood ch baigaa yumuu? Esvel bi ooroo "Alisa gaihamshigiin orond ayalaad" ch baigaamuu? Durgyi hyrmeer yum

Сэтгэгдэл бичих

Зэсийн Ханш

  © Blogger template 'Amarjargal' by Mongoltolbo.com 2009

Back to Дээш