Монголоороо гоёорой

Саяхан Монголс хэмээх мотогангстредүүдийн бүлгийнхэнийг баривчилсан нь манай улсад ч ихээхэн шуугиан дэгдээгээд орхив. Харамсалтай нь энэ бүлэг нь өчигдөр байгуулагдаад өнөөдөр баригдчихсан бүлэг биш, олон арван жил оршин тогтнож байгаа ялангуяа Умард Калифорнийн бүлэглэл. Америкад “Тамын тэнгэрэлчүүд” болон “Монголчууд” хэмээх хоёр нилээн хоорондоо өстэй бүлэглэл байдаг. Монголчууд бүлэглэлд байсан хамгийн нэр алдартай хүний нэг нь Миннесота мужийн амбан захирагчаар сонгогдож байсан Жесси Вентура байна.

Энэ бүлэгт цагдаа нар шургалж, тэднийг дотроос нь тагнадаг уламжлалтай. Нэг нөхөр саяхан хүртэл туршлагаараа ном бичсэн санагдаж байна. Энэ ч яахав, хамгийн гол нь тэр гангстерүүдтай монголчууд ямар ч хамаа байхгүй бөгөөд зарим нэг хүмүүсийн хэлж бичиж байгаачлан Монгол гэсэн нэртэй хувцас хунар өмсөхөөс болгоомжлох хэрэгтэй гэсэн ТЭНЭГ зөвлөмжинд няцаалт өгөх гэсэн юм. Нэг үхрийн эвэр доргивол мянган үхрийн эвэр доргино гэдэг ч хаа холын хэдэн испани гаралтай дүрсгүй нөхдүүдээс болж Америкчууд биднийг чангална гэдэг бол холоо эндүүрэл шүү. Хэрэв та Монгол гэдэг нэртэй хувцас өмсөж яваад эрүүгдэн байцаагдах аваас харин ч эргүүлэн тус газрыг шүүхэд өгч, хэдэн мянга, цаашилбал хэдэн зуун мянган доллар ч халааслах нигуур байна. Гэхдээ л аливаа юм донжоо олбол догь байх бөгөөд донж нь хэтэрвэл домбоо болдогийг битгий мартаарай.