Tuesday, January 15, 2008

Кармен vs. Мeнхшvр

Саяхан Эрдмийн Хvрээлэнд Жорж Бизьегийн алдарт Кармен дуурийг vздэг юм аа. Хамгийн сvvлд арван хэдэн жилийн eмнe vзэж байсан санагдана. Дуурь сайхан боллоо. Гол дvрийн Карменд нь гавьяат жvжигчин Б. Мeнхшvр гуай дуулж байна. Уул нь Кармен бол тамхины vйлдвэрийн залуухан халуухан цыган охин бeгeeд eeрийн дvр тeрх болон бvжиглэх авьяасаараа залуусыг байлдан дагуулж байсан байдаг юм. Тэрбээр ингэж явахдаа Испаний цэргийн дарга Дон Хосед сэтгэл зvрхээ уудлан, тvvнтэй богино хугацаанд янаг амрагийн учиг ургуулдаг.

Хайрлаж дуусдаггvй Кармен тeдий удалгvй бухтай тулалдагч Эскамиллод зvрх сэтгэлээ eгдeг. Тvvний хайнга байдал, хeрсeн сэтгэлийг нь тэвчиж чадаагvй Хосе сэтгэлт бvсгvй болох Карменыг хутгалж алсанаар дуурь дуусдаг. Энд дуурийн тeгсгeлийг хэлдэг нь учиртай. Ер нь сонгодог дуурь болон балетын тeгсгeл хэнд ч нууц биш бeгeeд хvмvvс ч гэсэн ямар тeгсгeл хvлээж байгааг сайн мэддэг. Харин кино, жvжиг бол шал eeр. Дээр бараг арваад жилийн eмнe хэдэн америк найз нартайгаа явж байгаад тухайн киног vзсэн болохоо хэлээд “даанч хамгийн сvvлд тэр чинь vхчихдэгшт” гээд хэлсэн чинь тэд нарын уцаарлаж байгаа гэдэг чигтэйхэн. Мэдээж киноны тeгсгeлийг нь мэддэг бол тэгж их сэтгэл хeдлeлeeр vзэхгvй.

Тийм ч учраас киноны шvvмж, тvvний гол агуулгыг нь ярихдаа эхлэл болон eрнeл хэсгийг нь амсуулан орхиод, кино цааш хэрхэн eрнeхийг vзээрэй, тvvнд юу тохиолдохыг киноноос vзээрэй гэхчлэнгээр дуусгадаг. Хэдэн жилийн eмнe Eдрийн Сонин дээр Кино Ярья гэдэг буланг одоо сонин дотроо нэг алба хашдаг хvvхэн хeтлeн явуулж байсан юм. Тэрбээр киног эхнээс нь “тэр харамсалтайгаар амиа алдсанаар кино тeгсeнe” хэмээн Конец Фильма хvртэл нь бичдэг байлаа. Тийм review уг нь хэрэггvй л дээ. Сайнаа бид 2 энэ талаар нэг нэвтрvvлэгтээ оруулах тухай ярьж байсан ч байнд ч vгvй банзанд ч vгvй болж байх шиг байна. Гэхдээ санаж явбал бvтдэг дээ.

За тэр яахав, эргээд Кармен дээрээ очих ахул Бизье гуай бас энэ дууриа бичиж дуусаад эхнийх нь тоглолт болсоноос хойш хэдхэн сарын дараа [тог тасрав] 37-хон насандаа зvрхний eвчнeeр [тог ирэв] eнгeрсeн байгаа юм. Тухайн vедээ нэг их амжилт олоогvй боловч яван явсаар дуурийн урлагийн хамгийн сод бvтээлvvдийн нэг болон мeнхeрсeн юм. Ихэнх нь Карменыг хамгийн сод нь гэх нь ч бий. Иоханн Брамс бараг хорь илvv удаа vзээд, энэ нь хамгийн мундаг дуурь хэмээн хэлж байсан нь биелэлээ олсон нь тэр юм.

Карменыг 1875 оны 3 сарын 3-д анх Парисын тайзнаа тоглогдож байсан юм байна. Манай Мeнхшvр эгч ч гэсэн олон жил Кармендаж байна даа. Намайг л бага байхад дуулж байсан санагддаг юм. Тvvнд одоо ч чадал байна. Хамгийн гол нь нэгдvгээрт тvvнд хvрэх тийм чадвартай залуу дуучин манай дуурьт алга уу? СУИС-ыг eч тeчнeeн дуучид жил бvр тeгсeж байдаг. Нэг тeгсeлтeeс л гэхэд vсрээд л хоёр гурван нийтийн дуучин тeрж гарна биз. Тэд бол ч бас л цаг зуурын vзэгдэл шиг л байдаг. Тэгвэл eнeeдeр ийм гайхамшигтай урлагт хvч vзэх дуучид алга уу, аль эсвэл байгаа нэгэн нь мeнгe тeгрeгийг нь голоод тойроод гvйгээд байна уу? Дуурийн урлаг ч хvчтэй байж болно гэдгийг саяхан Ерeнхийлeгчийн нэрэмжит шагнал хvртсэн залуу дуучин харууллаа шvv дээ. Нэрийг нь Батцогт, Сайнцог энэ тэр гээд худлаа санаад байна.

Бvжиглээд дуулна гэдэг бол Мeнхшvрийн насны хvнд бvv хэл залуу хvнд ахадсан асуудал. Тайзан дээр хэдхэн дуу бичлэггvйгээр дуулж чадахгvй амьсгаадах залуу дуучдыг алийг тэр гэхэв. Тэгэхэд дуурийн дуучид бол гурван цаг гаруй жинхэнэ хоолойгоороо, ямар ч нэмэлт тeхeeрeмжгvйгээр дуулж байгаа. Тэгээд дээр нь бvжиглэнэ гэдэг бол тийм амаргvй. Мeнхшvр эгч нилээд амьсгаадаж харагдсан. Уул нь eeр залуухан, халуухан монгол Карменыг харахад сонин л байх байх. Гэхдээ та мундаг байсаан.

Амьд хоолой энэ тэр гэснээс, eчигдeр орой ТТ найзын бэлэглэсэн U2 хамтлагын U2 18 Singles DVD vзэж байлаа. Италийн Миланд хийсэн тоглолт. Тэрбээр Miss Sarajevo дуугаа дуулахдаа “Our prayer is that when we fight with the monsters, we don’t become monsters” хэмээн хэлж байлаа. Тэр дeч давсан дуучин л гэхэд ганц ч бичлэг тавихгvй хэдэн цагаар дуулахыг нь харахад бас л бахархамаар. Eeрee бvжиглэж чаддаггvйгээ хэлдэг, vvнийгээ Ирлан цустайгаа холбож ч хэлдэг боловч мод шиг бас зогсохгvй, тэр том тайзаар чинь нэг гvйгээд дуулна гээд бод доо. Энэхvv аялан тоглолтыг нь Дэнвэрт vзэж байсан, vнэн гайхамшигтай.

Миний vзсэн амьд тоглолтуудаас хамгийн гайхамшигтай нь Dave Matthews Band байлаа. Хэдэн цагийн турш суудал дээрээ сууснаа санахгvй юм. Тэр хэдэн арван мянган хvнийг тайзан дээр байгаа хэдхэн хvмvvс удирдаж байна гэдэг яасан агуу болохыг, дуу хeгжим, урлагийн гайхамшигт мэдрэмжийг vнэн авч чадахаар. Хамгийн сэтгэл гонсойлгосон тоглолт нь James Blunt-ын тойрон аялал байлаа. Найзтайгаа хоёулаа тvvнийг арай л олон хvнд тоглолт хийх болоогvй, хэрэв нэг бааранд бeeнeeрee ойрхон суугаад хамтдаа дуулаад тоглосон бол болохоор байлаа хэмээн яриилцан суулаа. Тоглолтын оргил нь гэсэн чинь тоглолтын eмнe жорлонд орох гэж яваад уран гулгагч Michel Kwan-тай тааралдан, гар барьсан явдал байвал яах уу...

2 Сэтгэгдэл:

Anonymous January 16, 2008 at 12:04 AM  

Mundag shu,
Chamaig bichsen bolohoor ug useggui unshih durtai, :)

Anonymous January 20, 2008 at 6:42 AM  

unen hellee

Сэтгэгдэл бичих

Зэсийн Ханш

  © Blogger template 'Amarjargal' by Mongoltolbo.com 2009

Back to Дээш