Monday, January 19, 2009

Барак Обама биднийг мэднэ

Америкийн ард түмэн бүү хэл дэлхийнхэн ийм дуулиан шуугиантай, сэтгэл хөдлөм мөртөө романтик ерөнхийлөгчийн сонгууль огт үзээгүй л болов уу. Нэгэн америкийн ярьж буйгаар Цагаан Ордонд хүрэх энэхүү сунгаанаас болж, олон хүмүүс улс төр сонирхдог болж, телевиз үзэхэд ихэнх цагаа зарцуулдаг болсон бөгөөд Обамагийн ялалтаас хойш хоосон оргиод нэг л эвгүй хэмээн ярих нь сонсогдоно.

Рок одын хэмжээний нэр хүндтэй болсон Обамаг хаа явсан газар нь үй олон хүмүүс даган, түүний ярихыг чих тавин, амьсгаа даран сонсох нь Мартин Лютер Кингээс хойшхи улс төрийн тавцанд хамгийн их нэр алдарт хүрсэн хар арьстан болох нь анхнаасаа л мэдэгдэж байлаа. Тэрбээр хэдхэн жилийн өмнө Ардчилсан Намын их хуралд Иллиной мужийн сенатор байхдаа “хар цагаан хэмээх өнгөөр ялгарахгүйгээр бид бүгдээрээ Америкчууд” хэмээн хар цагааны хооронд орших нууцхан хөшгийг цуу татан гарч ирж байсан түүнийг хэн ч хараад энэ бол ирээдүйн ерөнхийлөгч хэмээх далдхан сонгуулийг сэтгэл дотроо аль хэдийнээ явуулаад амжсан байлаа.

Түүний дүр төрх, зан байдал, асуудалд хандаж байгаа, бусдыг тэвчээртэй сонсож байгаа, сонсогчдыг байлдан дагуулж буй бүх авьяас нь түүнийг сая сая Америкчууд “Сонгогдсон Нэгэн” хэмээх итгэл үнэмшилд хүргэсэн биз ээ. Түүний хэнийг ч өөртөөтатаж чадах далдхан увидас буюу каризма нь яван явсаар “Обамаманиа” хэмээх бүлэг хүмүүсийн нэгдлийг хүртэл нэрлэх болжээ. Түүний инээмсэглэл ямар ч хүйтэн хүнийг бүлээцүүлэх бөгөөд инээмсэглэлийг нь Жон Кеннедитэй зүйрлэсэн нь бий. Хэрэв түүний инээмсэглэлд уяраагүй хүмүүс түүний ярихыг нь сонсоод тайвшрахаас өөр арга үгүй. Тэр ийм л авьяастай, бас увидастай нэгэн билээ. Нэгэн сонин дээр бичсэнээр түүний бусдыг байлдан дагуулах чадварыг нь Чингис Хаантай хүртэл зүйрлүүлэн бичсэн нь бий.

Мэдээж Обама энэ хүртэл амаргүй даваа туулсан. Элдэв өнгөөр хэлүүлж, эрх мэдэлтнүүдийн атаархал, ундууцлыг төрүүлэх тэрбээр замын эхнээс бүү хэл замын дундаас шантрахыг хэзээ ч хүсээгүй бөгөөд зүрхлээгүй. Учир нь тэрбээр ард түмэнд нь алдагдаад байсан итгэлийг эргэн сэргээж, шинэчлэлийг Америк оронд авчрах чухал даалгавар, үүргийг бүрэн ухамсарласан нэгэн билээ.

Олон улсын хүрээнд ч түүнийг эерэгээр талархан хүлээн авах улс гүрнүүд зөндөө. Мэдээж үүний нэг нь Монгол улс гэдэг нь гарцаагүй. Тэрбээр Монголын тухай тийм сайн мэдэхгүй ч бидний “гуравдахь хөрш” байхаас татгалзахгүй нэгэн билээ. Учир нь тэрбээр АНУ-ын Сенатын гишүүн байхдаа 2006 онд өөрийн намын хэсэг гишүүдийн хамт Монгол улстай худалдаа хамтын ажиллагаагаа өргөжүүлж, чөлөөт худалдааны зөвшилцөл байгуулах гэрээ хэлцэл хийхийг санал болгож, Сенатын Худалдааны Комисст өргөн мэдүүлж байжээ.

Юутай ч түүнээс дэлхий нийт шинэ соргог, нааштай алхамуудыг хүлээж байна. Тэр өөрийн ард түмний сэтгэлийг хөвөлзүүлж, саналыг “бөөндөж” чадсан. Америкчуудын ярьдагаар Обама нь “talk the talk” буюу ярьсан шиг ярьж чадсан. Харин одоо өөрийн ард түмнээ тэрхүү цоо шинэ замаар хөтлөн удирдах “walk the walk” буюу “хийсэн шиг хийх” л үлдлээ.

3 Сэтгэгдэл:

Anonymous January 20, 2009 at 11:24 AM  

hi baika,

i agree with your comment on Mr. Obama. It was an exciting day with full of hope and something to look forward because of his speech and the crowd in Washington. Cheers to new era of America and everyone who supports Obama.

Залуу Маркетер January 24, 2009 at 1:09 AM  

i believe Obama

Anonymous October 3, 2010 at 8:35 PM  

Как говорилось на Seexi.net Девочки, в случае в случае если кто обращался к трихологу и знает неплохого профессионала в Москве, посоветуйте, плиз!! Замучила перхоть, точнее себорея. Все бабушкины средства и все аптечные шампуни (Себазол, Фридерм-Деготь и пр.) НЕ ПОМОГАЮТ!!! Дерматолог также особо не несомненно несомненно помог!

Сэтгэгдэл бичих

Зэсийн Ханш

  © Blogger template 'Amarjargal' by Mongoltolbo.com 2009

Back to Дээш