Sunday, March 16, 2008

Kenny Rogers Roasters Монголд нээгдэх нь


Магадгүй гадаадын сүлжээ түргэн хоолны ресторануудын хамгийн анхны салбар Улаанбаатар хотноо 7 сард нээгдэхээр ажилтангаа бүрдүүлж байгаа юм байна. Одоогоор байршил нь хаана байгаа, Монгол талаас хэн хөрөнгө оруулагч байхуу, үнэ хөлс нь ямар байхуу талаар мэдээлэл байхгүй байгаа ч гэсэн тухай бүрт нь мэдээлэхийг хичээнээ. Одоогоор Big Burger хэмээх Хятадын бололтой нэг fast food restaurant байгаа. Цаасан бор уутан дээрээ Amerigan Taste ч билүү алдаатай бичсэн нэг юм байгаа. Хоосонд орвол хааяа тийшээ орж ходоодоо бондойлгож болно л доо. Уул нь түргэн хоолны тийм газрууд үнэ хөлс нь харьцангуй гайгүй байдаг хэдий ч энэ газрын үнэ нь дунд зэрэглэлийн рестораны үнэтэй.

Шинээр нээгдэх ресторан нь Америкийн каунтри дуучин Кенни Рожерс хэмээх сахалт эр бас бус хүмүүстэй хамтран байгуулсан тахиа голдуу хоолтой газар юм байна. Одоогийн байдлаар Америкт байсан салбаруудаа хумиад ерөөс ганцтай үлдсэн сурагтай. Гэхдээ эднийх дэлхийд алдартай Nathan’s хэмээх халуун нохойны газартай дэр нэгтгэсэн байна. Яагаав нөгөө Япон залуу 66 хот дог идэж, дэлхийн дээд амжилт тогтоодог.

За тэгээд манайд нээгдэх салбар нь Малайзаас эх авч байгаа бололтой. Ер нь Азийн Малайз, Сингапур, Хятад, Хонг Конг, Дубай, Индонези, Австрали, Филиппин зэрэг улсуудад салбартай юм байна. Ямартай ч наадмаар хуушуурнаас өөр бас нэг сонголттой болж мэдэх л юм. Гэхдээ дан тахиа гэвэл нэгдүгээрт Монголд их үнэтэй, хоёрдугаарт монголчууд тэр бүр тахиа идээд байдаггүй тул өөр хоолны цэснүүдээ л баяжуулах хэрэгтэй байх даа. Харин тахиа их иддэг болчвол махны үнэ буураад ирэх юм биш биз. Тахиа ч уг нь үржүүлэхэд амар юм шиг байгаа юм. Америк тахианы хөл энэ тэр гэж балайрч байснаас өөрсдөө тарган тахиа тэжээдэг болохсон.

3 Сэтгэгдэл:

Anonymous March 16, 2008 at 11:08 PM  

KRR gej estoi sonsooguim baina. Mongoliin restaurantuudad chicken gehdee ih sonin hatuu zajluurtai baidgiim bilee, gaihsan gej.

Candide November 10, 2008 at 4:57 PM  

Good for people to know.

Anonymous May 20, 2009 at 8:53 AM  

onoodor ochij uzsen. uilchilgee dajgui gevch amt muutai yum shig sanagdsan.

Сэтгэгдэл бичих

Зэсийн Ханш

  © Blogger template 'Amarjargal' by Mongoltolbo.com 2009

Back to Дээш