Just wondering

Манайхан жаргалтай амьдрал, жаргалтай хос гэх мэтээр жаргал гэдэг үгийг хамгийн сайн сайхан, өөдрөг зүйлдээ хэрэглэдэг. Гэтэл түүний эсрэгээр нь энэ үгийг бас хэрэглэж болдог. Нар жаргах, амар сайхандаа жаргах гэх мэтээр.

Хар ухаанаар бодвол нар жаргахад харанхуй/айдас авчирдаг. Үлгэрийн төгсгөлийн амар сайхандаа жаргаваа гэдэг хэсгийг нь гуйвуулан тайлбарлах аваас хоёулаа хамтдаа сайхан байж байгаад төгсөвөө гэсэн болчино. Яагаад жаргал гэдэг үгийг ийм сайхан зүйлд зориулсан юм бол? Хэрэв үгийн үндсээр нь хөөх юм бол жарга- болох байх л даа. Тэгээд үүнийг чинь эхэлж байгаа, мандан бадарч байгаагаар ойлгох уу, замхарч байгаа, доошилж байгаагаар тайлбарлах уу?
Жишээ нь жаргалтай амьдрал маань жаргажээ гэвэл юу гэж ойлгох уу? Нэг үг ийм эсрэг тэсрэг хоёр утгыг илэрхийлэх өөр жишээ байж болох уу? Just wondering...