Бидний мeнгeeр казино тоглоод байна аа!

Саяхан Авилгатай Тэмцэх Сэтгүүлчдийн Клубээс Солонгос улсын казинод мөрийтэй тоглож, мөнгө алдсан 14 монголчуудыг огноотой нь, мөнгөний дүнтэй нь зарлалаа. Зөвхөн эдгээр 14 луйварчдын казинод тоглосон мөнгийг нь нэмж үзвэл 17 981 109 074 вон буюу монгол мөнгөөр хөрвүүлбэл доод тал нь 22 296 575 251.76 болж байна. Энэ нь 22 тэрбумаас илүү төгрөг юм. Гэтэл цаана нь өчнөөн луйварчид өдий хүртэл тоглосоор байгаа.

Эдгээр ноён луйварчидын нэгээс бусад нь бүгд А, Д буюу Албаны, Дипломат ногоон паспортуудтай байгаа юм даа, дуракууд. Тэр Дамбын Хишгээ хүртэл ногоон паспорттой. Мэдэхээс Мянганбаяр бол Монгол Алтынхаа алтыг тушааж, мөнгийг нь бэлнээр өвөртлөөд л Сөүл рүү нисдэг гэсэн.

Саяхан Чингэлтэй дүүрэгт 75 хүүхдийн цэцэрлэг нээгджээ. Энэ цэцэрлэгийн зардал нь 176 сая гаруй төгрөг болж байгаа бөгөөд хөөрхий зайлуул Засгийн Газар нь Европын Холбоо, Английн Хүүхдийн ивээх Сангийн тусламжтайгаар “хамтран” байгуулсан байгаа юм. Тэгвэл дээрх хүмүүсийн зугаа цэнгээнийхээ зөвхөн талд нь зарцуулсан мөнгийг үзэхүл даруй 126 ийм хэмжээний цэцэрлэг барьж болох бөгөөд нийтдээ арваад мянган хүүхэд цэцэрлэгтэй болно гэсэн үг. Мэргэн уншигч та шийд.

Эх сурвалж: Ардчилал сонин, olloo.mn