Sunday, January 27, 2008

90-ээд оныхоны тоглолт

Эртээд “Эргэн Дурсахуй” хэмээх их сайхан тоглолт vзлээ. UB Palace-ын хvйтэн хонгил шиг их зааланд болсон тоглолтын тайз нь тун даруухан. Нийтдээ 3000 илvv хvний суудалтай гэсэн, дvvрэн байлаа. Яг л залуу халуун байхдаа сонсож, дэрвэж байсан дуунуудыг танил царайнууд, яг л тэр vеийнхээрээ дуулах нь сэтгэлийг гэгэлзvvлж, дурсамж авчирна. Хонхын Энхбаяр, Шигтгээ Цогоо, Цэцэгийн Батболд, Номингийн Гантeгс, Цагаан Шeнийн Хvрэлбаатар, Айзам 2-ын Мeнхбаяр, Харшийн Баасандорж биш eeр нэгэн энерги ихтэй дуучин, Болорын Цэрэндаваа, Бурхан Зоригоо, Титэмийн Тайванбат энэ тэр гээд л ёстой мeн дee.

Анхны “Ая дууны жигvvр”-ыг vзэх гэж Спортын тeв ордонд алаан болж, цeм цохисон хаалгаар нь нэвтрэн орж байсан, Циркэд болсон Хонхын тоглолтыг vзэхээр бvдvvн Тамираатай хамт жvжигчдийн eрeeнд бvгж байсан, тэр тоглолтод циркийн том цонхыг хагалж, хэдэн хvн бэртэж байсан тухай дараа нь сонссон, Vйлдвэрчний Эвлэлд Шvvдэр хамтлагийн дуучин охиныг эргvvлэх санаатай ховор тэмдгээ тайзан дээр гvйн гарч зvvж eгeх мeртee хацар дээр нь vнсэхээ мартаагvй тэр л цаг, тvvний дараа найзын эргvvлж байсан хамтран дуулагч охин нь Мeнхбаярт сайн тухай сонсож байсан vе, Ялалтын талбай дээр болдог ардчиллын цуглааны урд эгнээнд нь гараад Хонх хамтлаг дуугаа дуулахад сэтгэл хeдeлсeндee болж, залуухан халуухан сэтгэл зvрх минь булгилан хeeрч, eeрийн мэдэлгvй хоолой зангиран ирж, сайн цагыг зeгнeн хvлээж байсан тэр л vе, Титэм, Бит Соно хамтлагийн тоглолтуудыг vзэж байсан vеvд гээд eeр хэн ч биш, харин надад vлдэх гэгээхэн дурсамжууд, энэ бол хvvхэд насны минь салшгvй нэгэн цаг vе байлаа.

Та нар минь яасан ч удаан хvлээлгэв дээ. Бага зэрэг таргалсан, толио суусаныг эс тооцвол дуу хоолой нь яг л хэвээрээ. Мэдээж амьдралын шаардлагаар, ажил тeрлийн улмаас ихэнх нь уран бvтээлээсээ хeндийрсeн бeгeeд ихэнх нь сайн дурын уран сайханчид байлаа. Гэвч тэрхvv хоолой, эрч хvч нь эгээ л хэвээрээ. Тэд ч их сэтгэл нь хeдeлсeн нь илт байлаа. Арга ч vгvй биз дээ, танхимд суусан хэдэн мянган хvн дуу болгоныг нь даган дуулж, дахиулж буй юм чинь. Тэгээд ч vзэгчид дандаа 30, 40 насныхан.

Дуунуудын нь ч яасан сайхан, уянгалаг мeртee зeeлхeн юм бэ дээ. Бодож байна аа, одоо vеийн vглэж дуулдаг хvvхдvvд 20,30 жилийн дараа тоглолтоо хийхээр болбол хэр зэрэг байдал орох болоо гэж? Бодвол vглэнэ гэж, шvлэг уншсаар байх болов уу. Тэднийгээ басч, шоолж байгаа нь биш боловч, vе vе гэж нээрээ eeр юм даа л гэж.

Энэ тоглолт, урд нь гарсан цомог тэднийг ч их урамшуулж, хeгeлж байх шиг байна. Эдний дунд орон шоронд орж алдаж эндсэн, бор юманд дуртай болсон улсууд гээд янз бvрийн л юм бий байх. Энэ тоглолтоо хeдee орон нутгуудаар тоглож, бас цаашдаа хамтарч уран бvтээл хийх, тоглолт хийх зэргээ ярилцаад авах хэрэгтэй. Магадгvй эд нар маань дуулахаа больсоноос, дуу зохиохоо больсоноос манай орчин vеийн дууны урлаг хэдэн жилээр ч гэсэн хоцорч яваад байгаа юм биш биз гэсэн хeнгeхeн хар тeрсeнee нуугаад яахав. Дахиад арван жилийн дараа та нар нэг тоглоорой, тэр vед манайд хорин мянган хvний суудалтай концертын танхим байх болтугай.

2 Сэтгэгдэл:

Logos January 27, 2008 at 8:53 AM  

hehe, now i remember you were such an old man haha

tt January 27, 2008 at 11:53 AM  

Suuliin 2 uguulberiin ehniihd ni: Setgeld honogshin uldsen zuil hezee ch martagddaggui shde, tiim bolohoor suuliin yeiin zaluuchuudiin sonsdog, durtai duunuud /magadgui hip hop-oos busad/heden jiliin daraa tedend bas l iim setgegdel turuuleh bhaa. 2 dahi uuguulberiin huvid uneheer saihan ug bnaa, bugd tiim baigaasai gej husch bgaa bhaa. :)

Сэтгэгдэл бичих

Зэсийн Ханш

  © Blogger template 'Amarjargal' by Mongoltolbo.com 2009

Back to Дээш